Noong nakaraang Mayo, inilabas ng Cup of Joe ang upbeat love song na “Misteryoso”, ilang buwan matapos nilang ipahayag ang kanta sa kanilang concert noong Pebrero sa New Frontier Theater.
Kilala ang OPM band na Cup of Joe sa kanilang mga kanta tulad ng “Tingin”, “Estranghero”, “Patutunguhan,” at “Ikaw Pa Rin Ang Pipiliin Ko,” at iba pa.
Ang OPM band na Cup of Joe ay mag lalabas ng kanilang music video para sa kanilang kanta na “Misteryoso”.
Ika-27 ng Hulyo nang ibinahagi ng banda ang teaser video nito sa kanilang facebook page at humango ito ng iba’t ibang reaksyon mula sa netizens.
“Ganito pala kayo bumawi pag nawawala kayo for a month” – Jowella Jayne
“Oh hello there misteryoso @bini_jhoanna’”
Isinulat ng bokalista ng banda na si Gian Bernardino sa kanyang post sa X.
Isa sa inabangan ng mga netizens ang pagbabalik ng OPM Band na Cup of Joe matapos ang ilang buwan na pahinga.
Isiniwalat ng OPM band na Cup of Joe si Jhoanna mula sa P-pop girl group, BINI, bilang isang guess para sa kanilang paparating na bagong music video na pinamagatang “Misteryoso”.
Namangha ang mga netizens sa paglabas ni BINI Jhoanna sa music video ng Misteryoso, dahil sa hindi inaasahang collaboration at umani ng papuri ang leader ng BINI na si Jhoanna Robles dahil sa kanyang pangalawang appearance sa music video.
Ang music video ay idinirek ni Justin ng SB19, na kamakailan lang ding isa sa nag direk para sa music video na pinamagatang “Room” na bagong debut single ng kapwa miyembro nitong SB19 na si Stell Ajero.
Ang music video ay ilalabas sa Agosto 2, alas-otso ng gabi sa pamamagitan ng isang live viewing at intimate gig sa Roof Manila at alas-diyes ng gabi sa YouTube.
Photo courtesy: Screen grab from Cup of Joe